Türkiyə Prezidenti Rəcəb Tayyib Ərdoğan İsveçin NATO-ya üzvlük protokolunu imzalayıb.
Globalinfo.az xəbər verir ki, bu barədə Türkiyə Prezidenti Administrasiyasının İctimaiyyətlə əlaqələr idarəsindən məlumat yayılıb.
Bildirilib ki, protokol müzakirə üçün Türkiyə Böyük Millət Məclisinə göndərilib.
NATO-nun baş katibi Yens Stoltenberq İsveçin alyansa qoşulması ilə bağlı protokolu ratifikasiya üçün milli parlamentə təqdim etdiyinə görə Türkiyə Prezidenti Rəcəb Tayyib Ərdoğana təşəkkür edib.
“Mən sənədin təqdim edilməsini alqışlayıram. İsveçi NATO-ya tamhüquqlu üzv kimi ən qısa zamanda qəbul etməyi səbirsizliklə gözləyirəm ki, bu da alyansı daha güclü və etibarlı edəcək”, – baş katib alyansın mətbuat xidmətinin yaydığı bəyanatda bildirib.
