“Biz İsraildən başqa heç bir ölkəni hədəf almamışıq”.
Globalinfo.az xəbər verir ki, bunu Yəmənin “Ənsar Allah” hərəkatının (husilər) sözçüsü Məhəmməd Əbdül Salan deyib.
“Biz İsrailə məxsus və o istiqamətdə hərəkət edən gəmiləri hədəf almağa davam edəcəyik. Gələcəkdə əməliyyatlar daha da genişləndiriləcək. Qırmızı dənizdə koalisiya üzvü olan ölkələr deyil, yalnız ABŞ-Britaniya birləşməsi hücumlar həyata keçirir”, – M.Salan bildirib.
Qeyd edək ki, ABŞ və Böyük Britaniya Yəməndə husi hədəflərinə aviazərbələr endirməyə başlayıb.
Ayşən Mustafa
Globalinfo.az
