Kiyev və Vaşinqton arasında Berlində ərazi məsələsi ilə bağlı gərgin müzakirələrdən sonra ABŞ-da həlledici məsləhətləşmələr mərhələsi hazırlanır.
Globalinfo.az-ın xəbərinə görə, bu barədə “Axios” Amerika rəsmilərinə istinadən məlumat yayıb.
Qeyd olunub ki, hərbçilər və diplomatlar bu həftə sonu Floridada toplaşaraq xəritələrdə yeni sərhədlər çəkəcəklər.
Nəşr amerikalı nümayəndədən sitat gətirir:
“Danışıqlar, ehtimal ki, bu həftə sonu ABŞ-da, ola bilsin, Mayamidə, işçi qrupları və hərbi personalın xəritələrə baxması ilə keçiriləcək”.
Məlumata görə, Donald Trampın komandası Kiyevə NATO Nizamnaməsinin 5-ci maddəsinə bənzər şəkildə görünməmiş təhlükəsizlik zəmanətləri müqabilində genişmiqyaslı ərazi güzəştləri təklif edir.
Mənbələrə görə, Vaşinqton Ukrayna Silahlı Qüvvələrinin bölgəni silahsızlaşdırılmış “azad iqtisadi zona”ya çevirmək üçün Donbas ərazisinin qalan 14%-dən geri çəkilməsini tələb edir.
Tahir Turan
Globalinfo.az
