Netanyahu və Tramp görüşündə əsas müzakirə mövzusu İranla danışıqlar, Qəzza və regiondakı vəziyyət olub.
Globalinfo.az xəbər verir ki, bu barədə İsrail Baş nazirinin ofisinin sosial media hesabındakı paylaşımında bildirilir.
Bundan başqa, Netanyahu İsrailin təhlükəsizlik ehtiyaclarını da xüsusi vurğulayıb. Hər iki lider koordinasiyanın davam etdirilməsi və aralarında sıx əlaqənin saxlanılması barədə razılığa gəlib.
***23:42
Xəbər verdiyimiz kimi, İsrailin Baş naziri Benyamin Netanyahu Vaşinqtonda səfərdədir. Ağ Evdə Netanyahu və ABŞ Prezidenti Donald Tramp arasında görüş keçirilib.
Globalinfo.az xəbər verir ki, görüş 2,5 saat davam edib.
Ağ Ev rəhbəri “Truth Social” hesabında paylaşım edərək görüş barədə yazıb.
Tramp heç bir nəticəyə gəlmədiklərini bildirib və əlavə edib ki, İranla danışıqların davam etməsini tələb edib.
Aysel Əliyeva
Globalinfo.az
