Azərbaycan Premyer Liqasının XXXII turunda bu gün keçiriləcək “Sumqayıt” – “Qarabağ” matçına indiyədək 6 000-ə yaxın bilet satılıb.
Globalinfo.az xəbər verir ki, bu barədə klubun mətbuat xidmətinin rəhbəri Zaur Xudiyev məlumat yayıb.
Onun sözlərinə görə, qalan biletlər 2 manatlıq sektorlara aiddir: “Saat 12:00-dan sonra kassa açılacaq və qarşılaşmanın start fitinədək fəaliyyətdə olacaq. Düşünürəm ki, bu müddətdə də bütün biletləri sata bilərik. Satışda təxminən 2 minədək bilet qalıb”.
Qeyd edək ki, “Sumqayıt” – “Qarabağ” matçı aprelin 28-də, saat 20:00-da start götürəcək
