Bu gün Sumqayıt-Xırdalan-Bakı istiqamətində hərəkətdə olan elektrik qatarının 20 dəqiqə gecikməsi həqiqəti əks etdirmir.
Globalinfo.az bildirir ki, bu barədə Oxu.Az-ın sorğusuna cavab olaraq “Azərbaycan Dəmir Yolları” QSC-nin Mətbuat Xidmətinin rəhbəri Sənubər Nəzərova məlumat verib.
O bildirib ki, qatar cəmi 4 dəqiqə dayanmaqla hərəkətini davam etdirib:
“Qatarın dayanmasına səbəb rabitə və işarəvermə qurğularında yaranan bir neçə dəqiqəlik nasazlıq olub. Belə ki, işıqfor 3-4 dəqiqə qırmızı işığı göstərdiyindən qatar dayanmalı olub. Cəmi 4 dəqiqə sonra isə hərəkətini davam etdirib”.
***10:35
Sumqayıtdan Bakı istiqamətində hərəkət edən elektrik qatarı yolda qalıb.
Globalinfo.az bildirir ki, söhbət Sumqayıt-Xırdalan-Bakı marşrutu üzrə hərəkət edən qatardan gedir.
Hazırda qatarın Biləcəri yaxınlığında yolda dayandığı bildirilib. Qatarın hansı səbəbdən dayandığı sərnişinlərə elan edilməyib. Nəticədə 20 dəqiqədən çox gecikmə olub.
