İsrail Livanla yeni sərhəd xətti formalaşdırır.
Globalinfo.az xəbər verir ki, bunu İsrailin diaspor işləri və antisemitizmlə mübarizə naziri Amihay Şikli bildirib. Onun sözlərinə görə, ölkənin hərbi qüvvələri mövcud atəşkəs rejiminə baxmayaraq, təhlükəsizlik tədbirlərini davam etdirir.
Şikli bildirib ki, proses bitdikdən sonra İsrail daha geniş əraziyə sahib olacaq. Onun sözlərinə görə, İsrail Müdafiə Qüvvələri sərhəd boyunca potensial təhlükə yaradan infrastrukturu hədəfə alaraq məhv edir və bununla da yeni formalaşdırılan sərhəd xəttinin daha dayanıqlı və nəzarət altında saxlanılmasına çalışır.
Nazir qeyd edib ki, bu addımların əsas məqsədi sərhəd bölgəsində təhlükəsizliyi gücləndirmək, mümkün hücum risklərinin qarşısını almaq və bölgədə uzunmüddətli sabitliyə nail olmaqdır.
“Artıq proses davam edir. Ölkəmizin ərazisi genişlənir və yeni sərhəd formalaşır. Düşmən ölkə isə məhv olur”, – Şikli bildirib.
O əlavə edib ki, İsrail tərəfi vəziyyəti yaxından izləyir və istənilən təhlükəyə operativ reaksiya vermək üçün hazır vəziyyətdədir.
Tahir Turan
Globalinfo.az
Həmçinin oxuyun
