İsrail nümayəndə heyəti Parisdən qayıtdıqdan sonra Qəzza zolağında girovların azad edilməsi məsələsi ilə bağlı danışıqların növbəti addımlarını müzakirə edəcəyik.
Globalinfo.az xəbər verir ki, bunu İsrailin Baş naziri Benyamin Netanyahu deyib.
O bildirib ki, İsrail Nazirlər Kabineti HƏMAS-la danışıqlarda növbəti addımları müzakirə edəcək.
“Biz girovları azad etmək üçün başqa bir razılaşma üzərində işləyirik. Buna görə də mən Parisə nümayəndə heyəti göndərdim. Nazirlər Kabineti danışıqlarda növbəti addımları müzakirə edəcək”, – Netanyahu vurğulayıb.
İsrail Milli Təhlükəsizlik Şurasının sədri Tzachi Haneqbi nümayəndə heyətinin artıq Parisdən qayıtdığını açıqlayıb.
Əliyar Xəlil
Globalinfo.az