Bu gün Livan ərazisindən İsrailə azı 34 raket atılıb. Onlardan 25-i hava hücumundan müdafiə sistemləri tərəfindən vurulub, 5-i İsrail ərazisinə düşüb.
Bu barədə İsrail Müdafiə Qüvvələrinin mətbuat xidməti məlumat yayıb.
Açıqlamanın yekun məlumatlar olmadığı vurğulanıb.
***17:10
Livandan İsrailə kütləvi raket hücumu başlayıb.
Globalinfo.az Axar.az -a istinadən xəbər verir ki, bu haqda İsrailin “kodkodgroup” Teleqram kanalı məlumat yayıb.
Atılan raketlərdən 15-i Dəmir Qübbə tərəfindən zərərsizləşdirilsə də, yaşayış yerlərinə düşən raketlər də var.
Hücum nəticəsində 3 nəfərin yaralandığı bildirilir.
Baş nazir Netanyahu Təhlükəsizlik Şurasının təcili iclasını keçirib. Hayfa hava limanı və ölkənin şimal hissəsində hava məkanı uçuşa bağlanıb. İsrail qırıcılarının Livan istiqamətində uçuşlar keçirdiyi bildirilir.
