Rusiya Yeni il ərəfəsində Polşaya qarşı məhdud, lakin provokativ xarakterli hücum həyata keçirməyi planlaşdırır.
Globalinfo.az xəbər verir ki, “Express2” qəzetinin iddiasına əsasən, bu barədə məlumatı adını açıqlamayan yüksək rütbəli rus hərbi rəsmisi sızdırıb.
İddiaya görə, Moskva NATO-ya birbaşa müharibə elan etmədən alyansın reaksiyasını ölçməyi və Avropada siyasi sabitliyi sarsıtmağı hədəfləyir.
İngiltərənin paytaxtı Londonda keçirilən DSEI müdafiə sərgisində açıqlanan məlumatlara əsasən, son günlərdə üç MiQ-31 qırıcısı hipersəs raketləri ilə Estoniya hava sahəsini pozub. Təyyarələr Finlandiya körfəzi üzərində 12 dəqiqə patrul uçuşu həyata keçirib. Təxribat NATO qırıcıları tərəfindən qarşısı alınaraq sonlandırılıb.
Britaniya xarici işlər naziri İvet Kuper məsələ ilə bağlı sərt açıqlama verib:
“NATO müttəfiqimiz Estoniyanın yanındayıq. Rusiya hava məkanına qarşı bu məsuliyyətsiz addımları ilə təxribatlara davam edir. Biz təzyiqləri artırmalıyıq”.
Sızdırılmış məlumatlarda Polşanın daha ciddi təhdidlə üzləşdiyi qeyd olunur. İstefaya çıxmış rus generaldan gəldiyi deyilən xəbərdarlıqlara əsasən, Kreml Polşaya qarşı nüvə silahı olmayan, lakin qəsdən törədiləcək hərbi əməliyyat planlayır.
Tahir Turan
Globalinfo.az
Həmçinin oxuyun
