Türkiyənin “Baykar Defence” şirkətinin sahibləri – Səlcuq və Haluk Bayraktar ilk dəfə “Forbes”in milyarderlər siyahısına daxil edilib.
Globalinfo.az Axar.az-a istinadən xəbər verir ki, “Baykar Defense”nin texniki direktoru və ortaq sahibi Səlcuq Bayraktar 1,2 milyard dollar sərvətlə 2410-cu yeri tutub.
Onun qardaşı “Baykar Defence”nin baş direktoru Haluk Bayraktar isə reytinq cədvəlində 2545-ci yerdədir. Onun sərvəti 1,1 milyard dollar olaraq qiymətləndirilir.
Qeyd edək ki, Səlcuq Bayraktar həm də Türkiyə Prezidenti Rəcəb Tayyib Ərdoğanın kürəkənidir.
