Ucarda EL school Təhsil Mərkəzi fəaliyyətə başlayıb.
Globalinfo.az xəbər verir ki, Mərkəzin meneceri Düranə Əhmədova “EL school”un Avropa standartlarına uyğun təhsil ocağı olduğunu bildirib.
O qeyd edib ki, EL school Təhsil Mərkəzinin təsisçisi və direktoru tanınmış yazıçı və jurnalist Elçin Aslangildir.
“EL school Təhsil Mərkəzində 1-ci sinifdən, 11-ci sinfə qədər şagirdlər təhsil alır. 10 və 11-ci sinif şagirdlərinə abituriyent hazırlıqları yüksək səviyyədə tədris olunur. Bundan başqa, EL school Təhsil Mərkəzində müəllimlərin işə qəbulu (MİQ) hazırlığı, eləcə də 5 yaşlı uşaqlar üçün təlim və tədris mövcuddur”.
“EL school”da şagirdlərə rəssamlıq və piroqrafiya, ingilis dilindən danışıq kursları da təşkil ediləcək. Şagirdlərin motivasiyasını təşkil etmək üçün burada kino klubu, kitab klubu, ayda iki dəfə elm və sənət adamları ilə onlayn görüşlər, eləcə də nitq mədəniyyəti təlimləri ödənişsiz olacaq.
