“2025-ci ildə Azərbaycanda ümumi sahəsi 4 milyon 629,5 min kvadrat metr yaşayış evi (mənzil) tikilərək istifadəyə verilib. 2025-ci ildə Ermənistanda 2 milyon 270 min kvadrat metr yaşayış evi (mənzil) tikilərək istifadəyə verilib”.
Globalinfo.az xəbər verir ki, bunu iqtisadçı Natiq Cəfərli deyib.
İqtisadçı bildirib ki, Azərbaycanda Ermənistana nisbətən 2 dəfə çox mənzil tikilib – amma, əhalimiz Ermənsitandan rəsmi rəqəmlərə görə 3 dəfədən çox artıqdır:
“2025-ci ilin yekunlarına əsasən (2024-cü ilə nisbətən) Azərbaycanda tikinti sektoru 0,4% kiçilib (geriləyib).
2025-ci ilin yekunlarına əsasən (2024-cü ilə nisbətən) Ermənistanda tikinti sektoru 20% artıb (böyüyüb).
2026-ci ilin ilk 6 ayında Azərbaycanda tikinti sektoru 2025-ci ilin eyni dövrü ilə müqaisədə 9,4% daralıb (azalıb).
2026-ci ilin ilk 6 ayında Ermənistanda tikinti sektoru 2025-ci ilin eyni dövrü ilə müqaisədə 24,5% artıb (böyüyüb).
Bu sırf statistikadır, rəqəmlərdir, onlar yalan danışmır, reallığı əks etdirir, trendləri göstərir – Azərbaycanda tikinti sektoru da böhrana daxil olub, Ermənistanda isə bu sahədə də “bum” yaşanır…”
Həmçinin oxuyun
