Türkiyənin Cümhuriyyət Xalq Partiyasının (CHP) sədri Özgür Özələ hücum edən Selçuk Tengioğlu daha bir qəribə açıqlama verib.
Globalinfo.az xəbər verir ki, 66 yaşlı Tengioğlu hadisənin təsadüfən baş verdiyini iddia edib.
“Bir anda çox yaxınına getdim. Yanında olanda təsadüfən sağ əlim qalxdı və Özəli vurdum. O ana qədər belə bir planım yox idi. Həmin an ağlıma gəldi və etdim”, – o bildirib.
Qeyd edək ki, ötən gün türkiyəli siyasətçi Sırrı Süreyya Önderin vida mərasiminə qatılan Özgür Özəl mərkəzin çıxışında hücuma məruz qalıb. CHP sədrinə yaxınlaşan şəxs anidən onun üzünə zərbə endirib. Tengioğlu dünən hadisənin “yemək kartı” səbəbindən baş verdiyini deyib.
Ayşən Mustafa
Globalinfo.az
