Azərbaycan xarici işlər naziri Ceyhun Bayramov ABŞ-da BMT Baş Assambleyasının 79-cu sessiyası çərçivəsində maltalı həmkarı, ATƏT-in fəaliyyətdə olan sədri İan Borq ilə görüşüb.
Globalinfo.az xəbər verir ki, bu barədə C.Bayramov X səhifəsində paylaşım edib.
“Azərbaycan-Malta əməkdaşlığı, Azərbaycan-ATƏT münasibətləri, münaqişədən sonrakı regional inkişaf və COP29-a hazırlıqla bağlı fikir mübadiləsi aparıldı”, – paylaşımda vurğulanıb.
***
“Yunanıstanın xarici işlər naziri George Gerapetritis ilə məhsuldar görüş oldu.”
Globalinfo.az xəbər verir ki, bunu Azərbaycanın xarici işlər naziri Ceyhun Bayramov öz “X” hesabında deyib.
O bildirib ki, görüş zamanı regional çoxölçülü əməkdaşlığın əhəmiyyətini nümayiş etdirən birgə iqtisadi və enerji təşəbbüsləri müzakirə olunub.
