“Düşünürəm ki, müharibə başlayacaq. Ermənistanın Rusiya ilə arasında yaratdığı münasibətlərin deqradasiyası buna əsas verir”.
Globalinfo.az xəbər verir ki, bunu Rusiya Federasiya Şurasının keçmiş senatoru Frans Klintseviç deyib.
Onun sözlərinə görə, regionda baş verən hadisələrin arxasında öz məqsəd və tapşırıqları olan qlobal ölkələr dayanırlar.
“Mən istisna etmirəm ki, yaxın vaxtlarda biz çox ciddi münaqişə barədə danışacağıq. Ermənistanın ABŞ, kollektiv Qərblə apardığı oyunlar, üç-dörd masada oturmaq istəyi yaxşı heç nəyə gətirib çıxarmayacaq”, – o qeyd edib.
