“Ermənistan Baş naziri Nikol Paşinyan və Rusiya Prezidenti Vladimir Putinin görüşü iki ölkə arasında münasibətlərin inkişafına həsr olunmayıb”.
Globalinfo.az xəbər verir ki, bunu “Güclü Ermənistan” fraksiyasının deputatı Edqar Qazaryan deyib.
Onun sözlərinə görə, Paşinyanın mövqeyi dəyişmədiyi təqdirdə Ermənistan-Rusiya əlaqələrinin inkişafından danışmaq mümkün deyil:
“Hazırda Rusiyanın Ermənistanda iki daimi hərbi mövcudluğu var. 102-ci hərbi bazası ilə yanaşı, Rusiya Federal Təhlükəsizlik Xidmətinin sərhəd qoşunları da ölkədə fəaliyyət göstərir və onların fəaliyyəti Ermənistan-Rusiya arasında imzalanmış beynəlxalq müqavilə ilə tənzimlənir.
Ermənistanın Türkiyə ilə dövlət sərhədi haqqında ayrıca razılaşması olmadığı üçün rus qoşunlarının buradan çıxarılmasından sonra hüquqi baxımdan Ermənistan-Türkiyə sərhədi də aradan qalxacaq. Bu isə Türkiyənin hərbi mövcudluğu və sərhədin Ermənistan ərazisində dəyişdirilməsi baxımından son dərəcə böyük təhlükədir”.
Safura Bənnayeva
Globalinfo.az
