Suriyanın şimalından Türkiyə ərazisi yenidən atəşə tutulub.
Globalinfo.az “Report”a istinadən xəbər verir ki, ölkənin Kilis şəhərinə 3 raket düşüb.
Hadisə nəticəsində ölən və ya yaralanan olmayıb.
***13:57
Terror təşkilatı YPG/PKK üzvləri tərəfindən Türkiyənin Qaziantep əyalətinə atılan raketlərdən 4-ü rayon mərkəzindəki orta məktəb və iki evə düşüb.
Globalinfo.az APA-ya istinadən xəbər verir ki, bu barədə daxili işlər naziri Süleyman Soylu jurnalistlərə açıqlamasında bildirib.
O, həyatını itirən 3 nəfərdən birinin uşaq, digərinin isə müəllim olduğunu açıqlayıb.
***13:18
Türkiyənin Qaziantep əyaləti Suriya ərazisindən növbəti dəfə raket atəşinə tutulub.
Globalinfo.az APA-ya istinadən xəbər verir ki, YPG/PKK terror təşkilatının üzvləri tərəfindən atılan 4 raket rayon mərkəzindəki orta məktəb, iki evə və Karkamış sərhəd-keçid məntəqəsi yaxınlığında bir yük maşınına düşüb.
Qeyd olunub ki, hücum nəticəsində iki nəfər həlak olub, altı nəfər yaralanıb.
Yaralılardan ikisinin vəziyyəti ağırdır.
***20.11.2022 23:18
YPG/PKK terror təşkilatı Türkiyənin Qaziantep şəhərinin Karkamış rayonuna 4 raket atıb.
Globalinfo.az “Anadolu” agentliyinə istinadən xəbər verir ki, mərmilər boş əraziyə düşüb.
Raketin düşdüyü ərazidə araşdırma işləri aparılır.
