Xüsusilə külli miqdarda dələduzluq etməkdə təqsirləndirilən Mirheydər İsmayılov və onunla birgə ittiham edilən digər şəxslərin məhkəmə prosesi keçirilib.
Globalinfo.az APA-ya istinadən xəbər verir ki, Bakı Ağır Cinayətlər Məhkəməsində hakim Vüqar Quliyevin sədrliyi ilə keçirilən prosesdə hökm oxunub.
Hökmə əsasən, təqsirləndirilən Mirheydər İsmayılov 8 il, Murad Həziyev 10 il 6 ay, Emil Rəsulov, Samir İbrahimov, Zamiq Əbdürrəhmanov, Murad Həziyev 1 il sınaq müddəti olmaqla şərti cəza verilib.
Səbinə İsmayılovaya cəza təyin edilməyib.
Təqsirləndirilən şəxslər 1 milyona yaxın vəsaiti dələduzluqla ələ keçirməkdə təqsirli biliniblər.
Qeyd edək ki, təqsirləndirlən şəxslər Cinayət Məcəlləsinin 178.4-cü ( Dələfuzluq, xüsusilə külli-miqdarda törədildikdə) maddəsi ilə ittiham edilib.
Mirheydər İsmayılov Azərbaycanın 1-ci dövlət katibi, mərhum akademik Tofiq İsmayılovun oğludur.
