Qarabağda baş verən hadisələrdən sonra Ermənistan rəhbərliyi xalqın qəzəbindən qorxur.
Globalinfo.az xəbər verir ki, bu barədə “Joxovurd” qəzeti yazıb.
Belə ki, artıq əhali arasında şayiələr yayılır. Bunlardan ən diqqətçəkəni Qarabağı tərk edən ermənilərin Ermənistanda küçələrə çıxacağı halda yardımlardan məhrum edilməsi ilə bağlıdır. Bu isə hökumətin baş verə biləcək iğtişaşların miqyasının artmasından qorxduğunu göstərir.
Bununla yanaşı, Ermənistan hökumətinin nümayəndələri özünümüdafiə tədbirlərinə də start veriblər. Baş nazir aparatının rəhbəri Araik Arutyunyan xidməti maşınla hərəkət etsə də, avtomobilinin nömrə nişanları dəyişdirilib. Qeyd edilir ki, o, xalqın qəzəbindən qorxduğu üçün bu yola əl atıb.
Son günlər İrəvanda təhlükəsizlik tədbirlərinin gücləndirildiyi vurğulanır.
Tamerlan Yayaqan
Globalinfo.az
