“Ermənistan indi Qərb və Rusiya arasında seçim qarşısındadır. İrəvan təhlükəsizlik problemlərinin necə həll olunacağını müəyyən etməlidir”.
Globalinfo.az xəbər verir ki, bunu hakim “Mülki müqavilə” partiyasından olan deputat Qaqik Melkonyan deyib.
O bildirib ki, Ermənistan nə vaxtsa bu seçimi etməlidir:
“Rusiya və Qərb Ermənistanı seçim etməyə çağırır. İrəvan Qərbə doğru getsə Rusiya ilə düşmən olacaq. Əks halda isə Qərblə münasibətlər pisləşəcək. Bizə Rusiya-Belarus ittifaqına qoşulmağı təklif edirlər. Bu isə Ermənistanın sonu deməkdir”.
Paşinyanın silahdaşı əmin edir ki, İrəvan KTMT-dən ayrılmaq məsələsində hələ qəti qərar qəbul etməyib. Amma Ermənistan hökuməti indiki siyasətini davam etdirsə, Moskvanın başçılıq etdiyi blokdan kənarda qalacaq.
“Müzakirələrdən sonra Ermənistanın KTMT-ni, yoxsa onların bizi tərk edəcəyi məlum olacaq. Amma vaxt var, çünki müzakirələr hələ də davam edir”, – Melkonyan vurğulayıb.
Əliyar Xəlil
Globalinfo.az