Ermənistanın Baş naziri Nikol Paşinyan Azərbaycanla sərhəd olan Kirants, Bağanis və Əskipara kəndlərinə səfər edib.
Globalinfo.az xəbər verir ki, Paşinyan sakinlərlə görüşdə hökumətin sərhədyanı kəndlərdə bizneslərin yaradılmasına, qonaq evlərinin açılmasına çalışdığını bildirib.
Kənd sakinləri öz problemlərindən danışaraq, mənzil proqramının yenidən başlamasını baş nazirdən xahiş ediblər. Paşinyan məsələyə baxacağına söz verib, lakin qeyd edib ki, hər şey məqsədli şəkildə edilməlidir.
Nikol Paşinyan vurğulayıb ki, ondan əvvəlki hakimiyyətin səriştəsizliyi nəticəsində Kirants, Əskipara (Voskepar) və Bağanis kəndləri “Xirosima və Naqasaki”yə çevrilib. Nəticədə bu kəndlərdə biznes qurmaq istəyən yoxdur.
Müşviq Tofiqoğlu
Globalinfo.az
