Nigeriyanın şimalında Fransanın Nigerə qarşı planlaşdırdığı hərbi əməliyyatlara qarşı nümayiş keçirilib.
Globalinfo.az xəbər verir ki, bu barədə Nigeriyanın “The Nation” qəzeti məlumat yayıb.
Aksiya iştirakçıları “Fransa Nigeri öldürür”, “Biz müharibə istəmirik!”, “Nigerə qarşı müharibə ədalətsizdir!” şüarları ilə yürüş ediblər. Nümayişçilər əllərində Nigeriya və Niger bayraqlarını daşıyıblar, Fransa bayrağını isə yerə atıblar.
Qeyd edək ki, bundan əvvəl Qərbi Afrika İqtisadi Birliyinin dövlət başçıları Nigerdə mümkün qədər tez hərbi əməliyyata başlamaq barədə razılığa gəliblər.
