Kağızın Təkrar Emalı Fabrikinə mediatur təşkil olundu – FOTOLAR

DSC01286 scaled

Fəaliyyəti daim ictimaiyyətə açıq olan, mütəmadi olaraq istehsal müəssisələrinə mediatur təşkil edən “Azərsun Holdinq” ənənəsinə sadiq qalaraq media mənsublarını istehsal müəssisəsinə dəvət edib.

Globalinfo.az bildirir ki, bu dəfəki tur “Yaşıl dünya naminə həmrəylik ili” çərçivəsində Azərbaycan Kağız və Karton İstehsalı Kombinatı nəzdində fəaliyyət göstərən Kağızın Təkrar Emalı Fabrikinə olub.

Jurnalistləri qarşılayan fabrik müdiri Əli Məmmədov kağızın təkrar emalı prosesi haqqında geniş məlumat verib. Prosesin bir neçə mərhələdən ibarət olduğunu qeyd edən mütəxəssis bildirib ki, qəbul olunan tullantılar çeşidləndikdən sonra su ilə qarışdırılaraq xəmir alınır. Növbəti mərhələdə isə alınan xəmir kütləsi aparatlarda kağız halına gətirilir və buxarda qurudulduqdan sonra rulonlanır.

Fabrik müdiri istehsal prosesində istifadə edilən bütün avadanlıqların müasir texnoloji standartlara uyğun olduğunu və xaricdən gətirildiyini qeyd edib.

Müəssisənin illik istehsal gücünün 50 000 ton olduğunu qeyd edən Əli bəy bildirib ki, bunun sayəsində ildə 850 min ağacın kəsilməsinin qarşısı alınır. Belə ki, 1 ton tullantı kağızın təkrar emalı 17 ağacın qorunmasını təmin edir.

AKKİK-ə təşkil edilən mediatur çərçivəsində fabrikdə çalışan mütəxəssislər jurnalistləri proseslə əyani tanış edərək, onların suallarını cavablandırıblar.

Qeyd edək ki, 10 illik fəaliyyəti dövründə təxminən 8.5 milyon ağacın qorunmasını təmin edən bu fabrik “Azərsun Holdinq”in həyata keçirdiyi ən böyük Korporativ Sosial Məsuliyyət layihələrindən biridir. Fabrik eyni zamanda tullantıların idarə edilməsinə dair bir çox ekoloji maarifləndirmə layihələri icra edir.

DSC01343 scaled DSC01300 scaled DSC01175 scaled DSC01131 scaled DSC01079 scaled DSC00975 scaled DSC00933 scaled

JMB5169 1 scaled JMB5017 scaled