İran və Səudiyyə Ərəbistanı ordularının yüksək rütbəli generalları Tehranda danışıqlar aparıb.
Globalinfo.az xəbər verir ki, bu barədə “Tasnim” agentliyi məlumat yayıb.
Tərəflər iki ölkə arasında daha sıx əməkdaşlıq planlarını müzakirə ediblər.
Qeyd edək ki, Səudiyyə Ərəbistanı Silahlı Qüvvələrinin Baş Qərargah rəisi, general-leytenant Fəyyad bin Hamed Əl-Ruveyli yüksək rütbəli hərbi nümayəndə heyəti ilə İrana səfər edib.
O, Tehranda İran Silahlı Qüvvələrinin Baş Qərargah rəisi general-mayor Məhəmmədhüseyn Baqeri ilə danışıqlar aparıb.
İki general hərbi diplomatiyanın genişləndirilməsi və müsəlman ölkələri arasında əməkdaşlığın gücləndirilməsi də daxil olmaqla bir sıra məsələləri müzakirə ediblər.
Müşviq Tofiqoğlu
Globalinfo.az
