Fransa NATO ilə Rusiya arasında mümkün toqquşma ehtimalı ilə bağlı xəritə üzərində işləyir.
Globalinfo.az xəbər verir ki, bu barədə “Le Figaro” qəzeti yazıb.
Qeyd olunub ki, söhbət Rumıniyanın Ukrayna və Moldova ilə sərhədi boyunca mümkün ərazilərdən gedir.
“Ötən il Fransa Quru Qoşunlarının 28-ci ayrı-ayrı hərbi hissəsinin əsgərləri Rumıniyaya gəliblər. Onlar xəritələri yeniləmək üçün ərazidə kəşfiyyat işləri aparacaqlar”, – qəzetin məqaləsində qeyd olunub.
Bölmə komandiri polkovnik Qiyom Şmidt bildirib ki, ordu peyk siqnallarında problem olsa belə, əməliyyatları davam etdirməyə hazır olmalıdır:
“Müttəfiqlərin döyüş meydanında yenilənmiş məlumatlara ehtiyacı var. Kommersiya xidmətlərindən daha dəqiq olan üçölçülü xəritə artıq yaradılıb”.
Əliyar Xəlil
Globalinfo.az
