Dekabrın 15-i Bakı-Quba yolunda baş vermiş dəhşətli yol qəzasında həyatını itirənlərin bir neçəsinin dəmiryolçu olması barədə xəbər vermişdik.
Globalinfo.az “Qafqazinfo”ya istinadən xəbər verir ki, dünyasını dəyişən dəmiryolçulardan biri də 1992-ci il təvəllüdlü Quliyev Emin Ramiz oğludur. O, digər həmkarları ilə birgə Bakıdan Rusiya sərhədinə yeni çəkilən dəmiryolu xəttinin tikintisində çalışırmış.
Emin Quliyevin fotosunu təqdim edirik:
Qeyd edək ki, Bakı-Quba yolunun 98-ci kilometrliyində “Mercedes Vito” markalı mikroavtobusla TIRın toqquşması nəticəsində mikroavtobusda olan 6 nəfər: Məmmədov Kamran Məmmədşah oğlu (1976), Balakişiyev Akif Yusif oğlu (1979), Musayev Vüqar Tərxan oğlu (1980), Əhmədov Elməddin Osman oğlu (1982), Quliyev Emin Ramiz oğlu (1992) və Qubadbəyli Nəsimi Əlimuxtar oğlu (sürücü -1977) həlak olub.
Qəzada TIR-ın sürücüsü, 1992-ci il təvəllüdlü Atayev Elçin Arif oğlu xəsarət alıb və daha sonra o, saxlanılıb.
Faktla bağlı Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma, iki və daha artıq şəxsin ölümünə səbəb olduqda) maddəsilə cinayət işi başlanıb.
