Polşa müharibə və təbii fəlakətlərə hazırlıq üçün “Təhlükəsizlik bələdçisi” hazırlayır.
Globalinfo.az xəbər verir ki, Polşa hakimiyyəti ölkədə müharibə və ya təbii fəlakət hallarında əhalinin davranış qaydalarını izah edən xüsusi təlimat hazırlayır.
Məlumatda bildirilir ki, “Təhlükəsizlik bələdçisi” adlanacaq broşür təxminən 40 səhifədən ibarət olacaq və müxtəlif ekstremal vəziyyətlər zamanı faydalı ola biləcək tövsiyələri əhatə edəcək. Buraya təmiz su təminatı, bomba sığınacaqlarının yeri, əlaqə vasitələri, təcili çantaların hazırlanması kimi praktiki məlumatlar daxildir.
Bələdçinin hazırlanmasının əsas səbəbi kimi Ukraynadakı münaqişə də daxil olmaqla artan regional qeyri-müəyyənlik göstərilir. Məqsəd milli dayanıqlığın gücləndirilməsi və əhalinin mümkün fövqəladə hallara hazır olmasıdır.
Bu cür hazırlıq Polşada onilliklər ərzində ilk dəfədir baş verir. Qeyd olunur ki, bölgədə — xüsusilə Ukrayna ilə sərhəd ölkələrdə təhlükəsizlik tədbirləri artan gərginlik fonunda getdikcə daha çox aktuallaşır.
Tahir Turan
Globalinfo.az
Həmçinin oxuyun
