Böyük Britaniya polisi deputatın Çinin xeyrinə casusluqda şübhəli bilinən köməkçisini saxlayıb.
Globalinfo.az Modern.az-a istinadən xəbər verir ki, “Times” qəzetinə istinadən xəbər verir ki, bu barədə London polisi məlumat yayıb.
“Britaniya parlamentindən referent Çinin xeyrinə casusluqda şübhəli bilinərək saxlanılıb”, – nəşr qeyd edib.
Qəzetin yazdığına görə, referentin fəaliyyət sahəsinə xarici siyasət məsələləri, o cümlədən Pekinlə münasibətlər daxildir. Bundan əlavə, o, bir müddət Çində yaşayıb ki, orada o, hüquq-mühafizə orqanlarının əməkdaşlarının dediyi kimi, bu işə cəlb edilmiş ola bilərdi.
Həbs edilən şəxsin gizli məlumatlara çıxışı olan Mühafizəkarlar Partiyasının bir sıra yüksəkvəzifəli üzvləri ilə əlaqələri olduğu iddia edilir. Onların arasında daxili işlər nazirinin təhlükəsizlik üzrə müavini Tom Tugendhat və Britaniya parlamentinin Xarici əlaqələr komitəsinin sədri Alisiya Kern də var.
Qəzetin yazdığına görə, polis martın 13-də şübhəli şəxsi həbs edib, lakin sonra o, oktyabr ayına qədər zaminə buraxılıb. O zaman hüquq-mühafizə orqanlarının əməkdaşları işin təfərrüatlarını açıqlamayıb, sadəcə ittihamların dövlət sirrinin yayılması ilə bağlı olduğunu bildiriblər. Adı açıqlanmayan digər şübhəli şəxs də saxlanılıb.
