“Bravo”ya hücum zamanı aparılan pulun məbləği bəlli oldu

“Bravo”ya silahlı hücum zamanı aparılan pulun məbləği məlum olub.

Globalinfo.az xəbər verir ki, bu barədə Baş Prokurorluq və DİN-in yaydığı birgə məlumatda qeyd olunub.

Bildirilib ki, silahlı şəxslərdən biri – Ruhlan İsmayılovun gizləndiyi mənzilə istintaq-əməliyyat qrupu tərəfindən baxış keçirilərkən cinayət nəticəsində əldə olunan 16 min 835 manat və 20 min 100 ABŞ dolları pul, “AKS Lancaster-03” markalı odlu silah, 1 ədəd “Makarov” və 1 ədəd “Colt” tipli tapançalar, çoxsaylı döyüş sursatları, əməliyyat tədbiri nəticəsində saxlanılan şübhəli şəxs Dəyanət Qudrətovunun üzərindən isə 1 ədəd “Blow TR 92D” modelli tapança aşkar edilərək götürülüb.

Həmçinin qeyd olunub ki, həmin gün saat 21 radələrində yaxalanması istiqamətində keçirilən əməliyyat tədbirləri zamanı Ruhlan İsmayılov polis əməkdaşlarına qarşı silahlı müqavimət göstərdiyi üçün zərərsizləşdirilib.