ABŞ-ın Fars körfəzi regionundakı müttəfiqləri Vaşinqtonun bu həftə İranı hədəf ala biləcək yeni hərbi əməliyyatlara başlayacağından ehtiyat edirlər.
Globalinfo.az xəbər verir ki, bu barədə “The Wall Street Journal” (WSJ) nəşri məlumat yayıb. Qeyd olunub ki, region ölkələri ABŞ-ın İranın nüvə obyektlərinə və mühüm infrastrukturuna zərbələr endirəcəyi təqdirdə Tehranın cavab hücumlarından narahatdır.
Məlumata əsasən, Körfəz ölkələri mümkün hərbi eskalasiyanın yalnız hərbi obyektlərlə məhdudlaşmayacağından ehtiyatlanırlar. Onlar İranın cavab olaraq regiondakı enerji obyektlərini, iqtisadi infrastrukturu və mülki hədəfləri vura biləcəyini düşünürlər.
Nəşr qeyd edir ki, ABŞ Prezidenti Donald Tramp İrana qarşı yeni hərbi əməliyyat variantlarını nəzərdən keçirsə də, diplomatik həll imkanlarına da şans vermək niyyətindədir. Bununla belə, regionda hərbi hazırlıq və təhlükəsizlik tədbirləri gücləndirilir.
Körfəz ölkələri mümkün qarşıdurmanın onların iqtisadiyyatına və mülki əhalinin təhlükəsizliyinə ciddi təsir göstərə biləcəyindən narahatdırlar.
Tahir Turan
Globalinfo.az
