“Qəribə konfiqurasiya: ABŞ Prezidenti Donald Trampın təklif etdiyi memorandumun əleyhinə adı açıqlanmayan SEPAH (İslam İnqilabı Keşikçiləri Korpusu) radikalları və Benyamin Netanyahu administrasiyası çıxış edir. Üstəlik, birincilər formalaşmaqda olan hakimiyyət sistemində özlərinə legitimlik qazandırmaq istəyirlər, Netanyahu isə növbəti seçkilərə hazırlaşır”.
Globalinfo.az xəbər verir ki, bunu sabiq xarici işlər naziri, politoloq Tofiq Zülfüqarlı deyib.
“Bu sinxronluq göstərir ki, İranın həyati əhəmiyyət daşıyan infrastrukturunun dağıdılmasında və nəticə etibarilə ölkənin sosial-siyasi kollapsında maraqlı olan qüvvələri məhz bu məqsəd birləşdirir.
Onlara qarşı duran “koalisiya” da tərkibinə görə az qəribə deyil. Burada əsas rolu Tramp administrasiyası, Prezident Məsud Pezeşkian, xarici işlər naziri Abba Əraqçi, Türkiyə Prezidenti Rəcəp Tayyib Ərdoğan, eləcə də Pakistan və Fars körfəzi ölkələrinin bəzi liderləri oynayır.
Bəs kim qalib gələcək? Daha doğrusu, hansı ssenari baş verəcək – “Suriyalaşma”, yoxsa “yenidənqurma?”, – deyə T.Zülfüqarlı qeyd edib.
Əliyar Xəlil
Globalinfo.az
Həmçinin oxuyun
