Türkiyənin hakim Ədalət və İnkişaf Partiyası növbəti prezident seçkilərində ölkə başçısı Rəcəb Tayyib Ərdoğanı yenidən namizəd kimi irəli sürəcəyini açıqlayıb.
Globalinfo.az xəbər verir ki, bunu partiyanın sözçüsü Ömər Çelik deyib.
O bildirib ki, Ərdoğanın namizədliyi partiya daxilində tam dəstək qazanıb:
“Partiyamız üçün qarşıdakı prezident seçkilərinin namizədi cənab Rəcəb Tayyib Ərdoğandır. Partiyanın bütün strukturları bu mövqeyi qətiyyətlə dəstəkləyir”, – deyə Çelik vurğulayıb.
Bundan əvvəl Türkiyə Prezidentinin baş müşaviri və Prezident Administrasiyası yanında Hüquq Siyasəti Şurasının sədr müavini Mehmet Uçum prezident və parlament seçkilərinin 2028-ci il aprelin 16-da keçirilə biləcəyini açıqlayıb bildirmişdi.
Rəcəb Tayyib Ərdoğan isə daha əvvəl növbəti prezident seçkilərinin planlaşdırıldığı kimi 2028-ci ilin may ayında keçiriləcəyini bəyan edib.
Əliyar Xəlil
Həmçinin oxuyun
