“Fransa Avropa İttifaqının (Aİ) Rusiya aktivlərinin müsadirə edilməsinə yönəlmiş istənilən təşəbbüslərinə qarşıdır”.
Globalinfo.az xəbər verir ki, bunu Fransanın Moskvadakı səfiri Nikola de Rivyer “Vedomosti” qəzetinə müsahibəsində deyib.
O qeyd edib ki, ölkəsi beynəlxalq hüquqa ciddi riayət etməkdə israrlıdır.
Diplomatın sözlərinə görə, Prezident Emmanuel Makron Parisin mövqeyini açıq şəkildə ifadə edib:
“Yəni Rusiya vəsaitlərinin müsadirəsi nəzərdən keçirilmir. Yeganə məqbul tədbir Ukraynaya yardım göstərmək üçün dondurulmuş aktivlərdən əldə edilən faizlərdən istifadə etməkdir”.
Əliyar Xəlil
Globalinfo.az
