Ermənistanın Baş naziri Nikol Paşinyan Zəngəzurda saxlanılan Azərbaycan əsgəri Nəsimi Musayevin geri qaytarılıb-qaytarılmayacağı barədə suala konkret cavab verməyib.
Globalinfo.az xəbər verir ki, o, jurnalistlərin məsələ ilə bağlı sualını cavab olaraq yaxın günlərdə brifinq keçirəcəyini deyib.
“Cümə axşamı brifinqimiz var”, – baş nazir qeyd edib.
Jurnalistlər qərarın artıq qəbul edilib-edilmədiyini dəqiqləşdirməyə çalışsalar da, Paşinyan cavab vermədən ərazidən uzaqlaşıb.
Qeyd edək ki, əsgər Nəsimi Musayevin saxlanılması barədə məlumat 1 oktyabrda yayılıb. 2 oktyabrda isə onun barəsində 2 aylıq həbs qətimkan tədbiri seçilib.
N.Musayevin 26 sentyabrdan hərbi hissəni özbaşına tərk etdiyi iddia olunur.
Safura Bənnayeva
Globalinfo.az
