Kollektiv Təhlükəsizlik Müqaviləsi Təşkilatı (KTMT) Belarusda irimiqyaslı təlimlərə başlayıb.
Globalinfo.az xəbər verir ki, bu barədə “RİA Novosti” məlumat yayıb.
Bildirilib ki, təlimlər Vitebskdə keçirilir və eyni anda üç manevrdən ibarətdir:
“Qarşılıqlı fəaliyyət-2025”, “Axtarış-2025” və “Eşelon-2025”. Həmçinin təlimlərə 2000-dən çox hərbi qulluqçu və 450 ədəd silah və texnika, 9 döyüş təyyarəsi və helikopter, 70-dən çox pilotsuz uçuş aparatı cəlb edilib”.
Qeyd edilib ki, əməliyyatda Belarus, Qazaxıstan, Qırğızıstan, Rusiya və Tacikistandan olan KTMT Kollektiv Qüvvələrinin kontingentləri iştirak edir.
“Qarşılıqlı fəaliyyət-2025” təliminin əsas məqsədi KTMT-yə üzv ölkələrdən birində yaranmış böhranlı vəziyyətin həlli üçün birgə hərəkətlərin həyata keçirilməsidir . “Axtarış-2025” kəşfiyyat xidmətlərinin qarşılıqlı fəaliyyətinə, “Eşelon-2025” isə əməliyyatların maddi-texniki təminatı məsələlərinə həsr olunub”, – deyə təlimlərin mətbuat mərkəzindən əlavə olunub.
Qeyd edək ki, avqustun əvvəlində Belarus Müdafiə Nazirliyi sentyabrın əvvəlində respublikada KTMT formatında bir sıra təlimlərin planlaşdırıldığını elan edib. Rusiya qoşunlarının ilk eşalonu “Zapad-2025” təlimləri üçün Belarusa gəlib.
Safura Bənnayeva
Globalinfo.az
