Litvanın müxtəlif ölkələrdəki beş diplomatik nümayəndəliyinə bu həftə binalara partlayıcı qoyulması barədə məlumat daxil olub.
Globalinfo.az APA-ya istinadən xəbər verir ki, bu məlumatı Delfi xəbər portalına Respublika Xarici İşlər Nazirliyinin mətbuat nümayəndəsi Paulina Levikite təsdiqləyib.
“Biz sakit reaksiya veririk. Görünür, bunlar növbəti informasiya hücumudur. Hüquq-mühafizə orqanları insidentləri araşdırır”, – o deyib.
Xarici İşlər Nazirliyinin nümayəndəsi hansı ölkələrdə səfirliklərin bu cür hədələr aldığını açıqlamayıb.
