Bazar ertəsi Sumqayıt şəhərində suyun verilişində fasilə yaranacaq.
Bu barədə Globalinfo.az-a Sumqayıt Sukanal idarəsindən məlumat verilib.
Bildirilib ki, Sumqayıt şəhər əhalisinin bir hissəsini içməli su ilə qidalandıran d450mm-lik su kəmərində təmir bərpa işləri ilə əlaqədar olaraq oktyabrın 28-də səhər saat 09:00-dan axşam saat 22:00-a qədər kəmərin su ilə təmin etdiyi, Qızıl qum, Köhnə Corat qəsəbələrinin bir hissəsi, Bağlar ərazisində suyun dayandırılması nəzərdə tutulub.
Təmir işləri yekunlaşdıqdan sonra suyun əvvəlki rejimlə verilməsi bərpa ediləcək.
