“Türkiyə heç vaxt Rusiyaya qarşı sanksiyaları dəstəkləməyib”.
Globalinfo.az xəbər verir ki, bunu Türkiyə parlamentinin sədri Numan Kurtulmuş deyib.
O bildirib ki, Türkiyə sanksiyaları düzgün olmayan cəza tədbirləri hesab edir.
“Rusiya və Türkiyənin prioritetləri əsasən üst-üstə düşür. Biz hər zaman Rusiyaya qarşı sanksiyalara və embarqolara qarşı çıxmışıq. Qərb ölkələrinin Rusiyanı sanksiyalarla cəzalandırmaq cəhdləri yanlış yanaşmadır və Türkiyə bu cür hərəkətləri heç vaxt dəstəkləməyib”, – deyə Kurtulmuş deyib.
Kurtulmuş səmimi dəvətə və konstruktiv dialoqa görə Federasiya Şurasının sədri Valentina Matvienkoya təşəkkür edib.
“Əminəm ki, parlamentlərarası əlaqələrin gücləndirilməsi ölkələrimiz arasında əməkdaşlığın inkişafına töhfə verəcək. Rusiya-Türkiyə münasibətləri bundan sonra daha da möhkəmlənəcək”, – deyə Kurtulmuş vurğulayıb.
Müşviq Tofiqoğlu
Globalinfo.az
