“Ermənistanın maraqları baxımından Kamala Harrisin ABŞ prezidenti seçilməsinə üstünlük verilir”.
Globalinfo.az xəbər verir ki, bunu erməni siyasətçi Vigen Ovsepyan deyib.
Onun sözlərinə görə, Donald Tramp ABŞ prezidenti seçilsə, ABŞ-ın regional məsələlərə birbaşa qarışması səngiyəcək və bu iş proksi qüvvələr tərəfindən həyata keçiriləcək. Bu da ABŞ-ın müttəfiqi olan Türkiyənin mövqelərini daha da gücləndirəcək.
“Bundan əlavə, Tramp Türkiyə və Azərbaycan da daxil olmaqla türk dünyası ilə ciddi işgüzar əlaqələr qurub. Ona görə də Ermənistanın maraqları baxımından ABŞ erməniləri öz səslərini Kamala Harrisə verməlidirlər. Eyni zamanda, erməni icmasının nümayəndələrinin bu məsələdə vahid mövqeyi yoxdur. Üstəlik, Trampın dövründə ABŞ erməni maraqları ilə bağlı məsələlərdə tamamilə iştirak etmirdi. Son vaxtlar ABŞ-ın regiondakı fəaliyyəti yeni istəklərlə, o cümlədən Rusiyanın regiondakı təsirini azaltmaqla bağlıdır”.
Hovsepyan Ermənistana həm Rusiya, həm də Qərblə balanslaşdırılmış siyasət yürütməyi tövsiyə edib. Avropa ilə fəal şəkildə iqtisadi əlaqələr qurmağa və müdafiə sektorunda asılılığı bir mərkəzdən balanslaşdırmağa çağırıb.
“ABŞ regionda kommunikasiyaların blokdan çıxarılması məsələsində Ermənistana təzyiq etməyəcək. Amma Rusiya bu məsələdə Türkiyədən də çox maraqlıdır”, – deyə Ovsepyan vurğulayıb.
Müşviq Tofiqoğlu
Globalinfo.az
