Bu gün Birinci Qarabağ müharibəsi şəhidi Kazım Əsgər oğlu Məmmədovun anım günüdür.
Globalinfo.az xəbər verir ki, Kazım Məmmədov 1974-cü ildə Ağdam rayonunun Güllücə kəndində anadan olub.
Orta məktəbi bitirdikdən sonra, 1992-ci ilin iyul ayında hərbi xidmətə çağırılıb.
Onun hərbi xidmətə başladığı dövr Qarabağ müharibəsinin ən gərgin mərhələlərinə təsadüf edirdi. Həmin vaxt Ermənistan silahlı qüvvələri Azərbaycanın bir sıra ərazilərini işğal etmiş, cəbhə xəttində şiddətli döyüşlər gedirdi. Kazım Məmmədov xidmət etdiyi müddətdə müxtəlif döyüş əməliyyatlarında iştirak edib, döyüş yoldaşları ilə birlikdə yaşayış məntəqələrinin müdafiəsi və işğal altında olan ərazilərin azad edilməsi uğrunda mərdlik və fədakarlıq nümayiş etdirib.
1992-ci il iyulun 21-də Ağdam rayonunun Qalayçılar kəndi uğrunda gedən döyüşlərdə qəhrəmancasına döyüşən Kazım Məmmədov düşmən gülləsinə tuş gələrək şəhid olub.
Şəhidin xatirəsi bu gün də ehtiramla yad edilir.
Hazırda Ağdam rayonunun Güllücə kənd orta məktəbi Kazım Məmmədovun adını daşıyır.
Allah rəhmət eləsin!
Həmçinin oxuyun
