“Rusiya xarici işlər nazirinin müavini Mixail Qaluzin Rusiyanın Qarabağda sülhməramlılarının olması məsələsini yalnız Azərbaycanla müzakirə edəcəyini açıqlayıb”.
Globalinfo.az xəbər verir ki, bu fikirləri “Luys” informasiya-analitik mərkəzinin rəhbəri Hayk Ayvazyan deyib.
O deyib ki, Ermənistanın Qarabağ məsələsi ilə bağlı prosesdə iştirak hüququ 10 noyabr 2020-ci il tarixli bəyanatla təmin edilib.
“Lakin Ermənistanın qərbyönlü hakimiyyəti və müxalifəti bunu qoruyub saxlaya bilmədi. Xarici siyasət vektorumuzu Rusiyaya çevirməsək, qərb vektoru ilə hələ çox itkilər verəcəyik”, – H.Ayvazyan qeyd edib.
Safura Bənnayeva
Globalinfo.az