Gənclər və İdman Nazirliyinin Azərbaycan Atletika Federasiyası ilə birgə təşkil etdiyi Xankəndi – Bakı ultra marafonunun ilk mərhələsi başa çatıb.
Globalinfo.az “Report”a istinadən bildirir ki, iştirakçılar “Qürurla irəli” şüarı ilə ilk dəfə keçirilən yarışda 83 km məsafə qət ediblər.
Xankəndidə başlayan yürüşün birinci mərhələsi Yevlaxda yekunlaşıb. Birinci yeri Elmir Əskərov tutub. O, 83 km məsafəni 6 saat 52 dəqiqəyə qət edib. Ağa Əliyev finişə ikinci, Elman Abışov isə üçüncü pillədə çatıb. İdmançılar daha sonra Yevlax – Ucar (84 km), Ucar – Hacıqabul (88 km), Hacıqabul – Qobustan (70 km) və Qobustan – Bakı (55 km) mərhələlərini keçməklə, martın 4-də Bakıya çatacaqlar.
Ultra marafonda ümumilikdə 64 idmançı mübarizə aparır. Onlar arasında Türkiyə (5 nəfər), Meksika (4) və Moldova (1) təmsilçiləri də var.
Qeyd edək ki, hər mərhələnin qalibləri ayrılıqda təltif ediləcəklər. Ultra marafonun ümumi qalibləri isə baş mükafatı qazanacaqlar.
***13:00
Xankəndi-Bakı ultra marafonu davam edir.
Marafonçular Bərdəyə daxil olublar.
***08:56
Marafonçular Ağdama daxil olublar.
İlk marafonçu Əsgərana daxil olub.
X X X
İlk dəfə keçirilən Xankəndi-Bakı ultra marafonuna Xankəndi şəhərindən start verilib.
Globalinfo.az APA-ya istinadən xəbər verir ki, Xankəndi şəhərindən “Qürurla irəli” şüarı səsləndirərək start götürən ultra marafonu iştirakçıları 380 km məsafə qət edərək, finişə Bakıda çatacaqlar. 64 nəfərin iştirak etdiyi ultra marafonuna yerli iştirakçılarla yanaşı Türkiyə, Moldova, və Meksikadan 10 nəfərə yaxın iştitakçı qatılıb. Gənclər və İdman Nazirliyinin Azərbaycan Atletika Federasiyası ilə birgə təşkil etdiyi yarış “İdman həftəsi” və “Yaşıl dünya naminə həmrəylik ili” çərçivəsində keçirilir. Ultra marafon iştirakçıları Xankəndi-Yevlax (83 km), Yevlax-Ucar (84 km), Ucar-Hacıqabul (88 km), Hacıqabul-Qobustan (70 km) və Qobustan-Bakı (55 km) mərhələlərini keçməklə, martın 4-də Bakıya çatacaqlar. Hər mərhələnin qalibləri ayrılıqda təltif ediləcəklər. Ultra marafonun ümumi qalibləri isə baş mükafatı qazanacaqlar. Qeyd edək ki, ilk mərhələ Yevlax rayonunda başa çatacaq və birinci mərhələnin qalibi elan olunacaq.
