Azərbaycanda yeni yaradılan polis bölməsinə rəis təyin edilib.
Globalinfo.az bildirir ki, “Qafqazinfo”nun məlumatına görə, bununla bağlı daxili işlər naziri general-polkovnik Vilayət Eyvazov əmr imzalayıb.
Əmrə əsasən, polis polkovnik-leytenantı Allahverdiyev Vilayət Hüseyn oğlu Balakən RPŞ-nin tabeliyindəki Qabaqçöl Polis Bölməsinə rəis təyin olunub.
Qeyd edək ki, o, bundan əvvəl Gəncə Şəhər Baş Polis İdarəsinin Cinayət Axtarış İdarəsinin rəisi, daha sonra Astara Rayon Polis Şöbəsinin rəis müavini vəzifəsindən çalışıb.
Xatırladaq ki, Qabaqçöl Polis Bölməsi bu ilin fevralında yaradılıb. V.Allahverdiyev həmin bölmənin ilk rəisi olacaq.
