Ukrayna danışıqlarda səslənən şərtləri qəbuledilməz hesab edir.
Globalinfo.az xəbər verir ki, bunu Ukraynanın Xarici İşlər Nazirliyinin sözçüsü Georgi Tixiy İstanbulda Rusiya-Ukrayna danışıqları barədə deyib.
“2014-cü ildən bəri ruslarla danışıqlar təcrübəmiz var. Mənə inanın, Ukrayna nümayəndə heyəti belə vəziyyətlərdə necə davranacağını, Rusiya tərəfinin səsləndirə biləcəyi fikirlərlə necə baş etməyi yaxşı bilir”, – deyə Tixiy bildirib.
Ukrayna nümayəndə heyətinin rəhbəri Rüstəm Umerov isə danışıqlar prosesində növbəti mərhələnin liderlər səviyyəsində görüş olmalı olduğunu qeyd edib.
Bugünkü müzakirələrdə əsir mübadiləsi məsələsi də gündəmdə olub – tərəflər “1000-1000” formatında dəyişiklik barədə danışıb.
Rusiya isə gözlənildiyi kimi, 30 günlük atəşkəs təklifini rədd edib.
Aysel Əliyeva
Globalinfo.az
