Xarkovda hər iki tərəfin qoşunları geri çəkildi

“Xarkov istiqamətində vəziyyət gərgin olaraq qalır, Rusiya Silahlı Qüvvələri Ukraynanın müdafiə xəttini yarıb keçmək istəyir”.

Globalinfo.az xəbər verir ki, bunu Ukraynanın “Xortitsa” qoşunlarının əməliyyat-strateji qrupunun nümayəndəsi, polkovnik-leytenant Nazar Voloşin deyib.

Voloşin bildirib ki, Ukrayna ordusunun müqavimətindən sonra rus qoşunları hücumu dayandıraraq geri çəkilib:

“Son 24 saat ərzində Rusiya qüvvələrinin 11 hücumu dəf edilib. Hazırda Xarkov istiqamətində vəziyyət gərgin olaraq qalır. Ard-arda edilən hücumlara Ukrayna hərbçilərinin cavabından sonra atışma nisbətən səngiyib. Xüsusilə Qlubokoye – Liptsy, Lukyantsı – Liptsy, Borisovka – Neskuchnoye və Şebekino – Volçansk kimi yaşayış məntəqələrində döyüşlər davam edir. Düşmən bu ərazilərdə üstünlük qazanmağa çalışır.

Ukrayna hərbçilərinin təhlükəsizliyi məqsədi ilə bəzi mövqelərdən geri çəkildik, fərqli yerlərdə qərarlaşdıq. Mövqelər dəyişdi. Biz əks-hücuma keçəcəyik və çox sayda artilleriya, PUA vasitəsilə düşmənə zərbə vuracağıq”.

Ayşən Mustafa
Globalinfo.az