Türkiyə Milli Kəşfiyyat İdarəsi (MİT) Suriyada keçirdiyi əməliyyatda Derik briqadasının “lideri” olan PKK/YPG terrorçusunu zərərsizləşdirib.
Globalinfo.az “Report”a istinadən xəbər verir ki, “Şibli Derik” ləqəbli Məhəmməd Azo ötən il MİT tərəfindən hədəfə alınıb.
Qeyd edək ki, terrorçu 2022-ci il fevralın 2-də Şırnak/Cizre-Silopi yolunda 1-ci Sərhəd Taburu Komandanlığının Yakacık Polis Bölməsinə təşkil edilən və əsgər Tarık Tarcanın şəhid olması, daha üç əsgərin isə yaralanması ilə nəticələnən hücumun planlaşdırılmasındakı iştirakına görə axtarışa verilib.
