Ankarada kibercinayətkarlara qarşı əməliyyat keçirilib.
Globalinfo.az Türkiyə mətbuatına istinadən xəbər verir ki, əməliyyat nəticəsində 58 şübhəlidən 47-si saxlanılıb.
Onlar sosial media hesablarını oğurlayaraq, dost qruplarına yüksək gəlir vəd edən paylaşımlar edərək çoxlu sayda insanı aldatmaqda günahlandırılırlar. Əməliyyatda xeyli sayda mobil telefon, sim-kart və kompüter müsadirə edilib.
Qeyd edilib ki, cinayətkarlar dələduzluq yolu ilə ümumilikdə 79 milyon lirə əldə ediblər.
Araşdırma davam etdirilir.
