Rusiya ordusu Ukrayna Silahlı Qüvvələrinin ABŞ istehsalı AN/TPQ-36 əks-batareya radarına zərbə endirib. Bu sistem artilleriya bölmələrinin “qulaqları” adlandırılır və o tamamilə məhv edilib.
Globalinfo.az xəbər verir ki, bu barədə Rusiya Müdafiə Nazirliyi gündəlik brifinqdə məlumat yayıb.
Bildirilib ki, radar sistemi Rusiya Silahlı Qüvvələrinin “Qərb” qoşun qruplaşmasının bölmələri tərəfindən vurulub.
Rusiya Müdafiə Nazirliyinin açıqlamasına əsasən, ABŞ istehsalı radar sistemi ilə yanaşı, Ukrayna tərəfi 220-dən çox hərbçisini, 11 avtomobilini, dörd səhra artilleriya qurğusunu, o cümlədən ABŞ istehsalı 155 mm-lik M777 haubitsasını, həmçinin reaktiv yaylım atəş sistemini itirib.
Safura Bənnayeva
Globalinfo.az
