Qəzzada ölənlərin sayı 2450 nəfərə yüksəlib.
Globalinfo.az “Qafqazinfo”ya istinadən xəbər verir ki, bu haqda Fələstin Səhiyyə Nazirliyi məlumat yayıb.
Nazirliyin məlumatına əsasən, 9200 nəfər isə yaralanıb.
Bildirilib ki, ötən günə kimi Qəzzada ölənlərin sayı 2213 nəfər idi.
Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb.
